Zinedine Zidane ka folur rreth  mundësisë për të menaxhuar Juventusin një ditë.

Trajneri i Real Madridit ka dërguar skuadrën e tij në Turin për të zhvilluar sot (e martë) ndeshjen e parë të çerekfinales së Ligës së Kampionëve, transmeton portali arbresh.info. Pavarësisht se shijoi sukses në Real Madrid, francezi refuzoi të hedhë poshtë mundësinë për të marrë detyrën si trajner te Juventusi në të ardhmen.

“Trajner i Juventusit një ditë? Kurrë mos thuaj kurrë, po jam i lumtur këtu ku jam tani”, ka thënë fillimisht Zidane.

“Kam mësuar shumë gjatë pesë viteve [në Juventus], unë nuk isha larguar kurrë nga Franca më parë dhe ata më mirëpriten mua si një familje”, ka thënë 45-vjeçari për ‘Football Italia’.

Pasi i siguroi skuadrës së tij spanjolle titullin në Ligë të Kampionëve kundër Juventusit sezonit e kaluar, ai ka një shans për të dëmtuar sërish ish skuadrën e tij./arbresh.info/