Inter dhe Paris Saint-Germain do të takohen në finalen e Ligës së Kampionëve, pasi eliminuan në gjysmëfinale Barcelonën dhe Arsenalin.

Finalja e Ligës së Kampionëve zhvillohet më 31 maj në “Allianz Arena” në Munich, shkruan Arbresh.info.

Tashmë është bërë e ditur edhe se kush do të ndajë drejtësi në këtë sfidë.

Arbitri rumun, Istvan Kovacs, është zgjedhur nga UEFA për referuar në finalen e Ligës së Kampionëve mes Paris Saint-Germainit dhe Interit.

Kovacs ka përvojë të madhe në arenën ndërkombëtare.

40-vjeçari Kovacs vitin e kaluar e ndau drejtësinë në finalen e Ligës së Evropës ndërmjet Atalantas dhe Bayer Leverkusenit.

Ai e ka drejtuar edhe finalen e Ligës së Konferencës në vitin 2022 në Tiranë.

Në dy finalet e kaluara ku ai ka referuar fati gjithnjë iu ka buzëqeshur ekipeve italiane./Arbresh.info