Paga e Khvicha Kvaratskhelia në Paris Saint-Germain është zbuluar pasi Fabrizio Romano raporton se ai do të ‘katërfishojë’ marrëveshjen e tij aktuale me Napolin.

Gjeorgjiani i ka thënë lamtumirë klubit italian, ndërsa ai u përshëndet edhe me tifozët napolitanë.

Romano raporton gjithashtu se 23-vjeçari do të ‘katërfishojë’ atë që fiton aktualisht te Napoli. Sipas Capology, Kvaratskhelia ka një kontratë me vlerë 33,000 funte në javë.

Kjo do të thotë se ai parashikohet të fitojë nga 132,000 deri në 165,000 funte te PSG me të përfunduar transferimin e tij.

Kvaratskhelia është te Napoli që nga viti 2022 pas transferimit të tij nga Dinamo Batumi.

Ai ka shënuar 30 gola në 107 ndeshje për klubin italian dhe ka tërhequr shumë vëmendje gjatë viteve pas paraqitjeve të tij në Serie A. /Telegrafi/