Brahim Diaz ka qenë një futbollist i vlefshëm i Real Madridit që nga rikthimi i tij në 2023, pavarësisht se nuk ishte gjithmonë një titullar i rregullt.

Sulmuesi 25-vjeçar ka shfrytëzuar maksimalisht mundësitë e tij, duke kontribuar me dy gola dhe tre asistime në 18 ndeshje këtë sezon.

Paraqitjet e tij sezonin e kaluar, duke përfshirë fitimin e Superkupës së Spanjës, La Ligës dhe Ligën e Kampionëve, çuan në interesimin e klubeve të tjera.

Sipas Relevo, Paris Saint-Germain ishte ndër ata që donin të nënshkruanin me Diaz verën e kaluar, duke i bërë edhe një ofertë.

Menaxheri i PSG-së, Luis Enrique thuhet se ishte një admirues i madh i Diazit dhe donte ta transferonte atë në Paris.

Megjithatë, Diaz e ka bërë gjithmonë të qartë se prioriteti i tij është të vazhdojë në Real Madrid dhe të fitojë tituj me klubin.

Pavarësisht konkurrencës për vende në skuadrën e Ancelottit, Diaz ka fituar besimin e trajnerit.

Ai mbetet i fokusuar për të pasur sukses në Real Madrid, edhe me interes nga PSG dhe klube të tjera. /Telegrafi/