Ka rinisur takimi i ndërprerë i finales së basketbollit në mes të Rahovecit dhe Prishtinës.

Rahoveci dhe Prishtina ishin duke zhvilluar ndeshjen e katër finale të Play-Offit për titullin e kampionit në Superligën e Kosovës.

Megjithatë, jo gjithçka shkoi në rregull pasi ndeshja u ndërpre nga gjyqtarët një minutë pa përfunduar çereku i tretë, kur rezultati ishte 71-52 në favor të mysafirëve.

Deri të ndërprerja erdhi pas një tifoz nga zona VIP hyri në fushë dhe sulmoi kapitenin mysafirë, Edmon Azemi.

Me të ndodhur kjo gjë e shëmtuar, gjyqtarët ndërprenë ndeshjen dhe urdhëruan zbrazjen e sallës.

Pas zbrazjes së palestrës “Mizahir Isma”, gjyqtarët vendosën që ndeshja të rifillojë.

Vlen të theksohet se gjyqtarët vendosën të përjashtojnë dyshen e basketbollistëve, Fred Richardson dhe Deshin Minnis.