Simone Zaza është pranë rikthimit në Serie A.

Milani vazhdon të jetë në kërkim të një qendërsulmuesi që garanton një numër të caktuar golash në sezon. Me Ciro Immobilen që është bllakuar nga Claudio Lotito, pasi presidenti i Lazios kërkon plot 100 milionë euro për 28-vjeçarin, drejtuesit e kuqezinjve po studiojnë mundësinë e blerjes së Simone Zazas.

Sulmuesi aktual i Valencias pëlqehet shumë nga Mirabelli dhe Gattuso, sepse konsiderohet një “pykë” me instikt para portës.

Ditët e fundit kanë nisur kontaktet e para me menaxherin e lojtarit, Beppe Bozzo. Sigurisht që në këtë rast vendimtare do të jetë dëshira e sulmuesit për t’i rikthyer në Itali.

Valencia e vlerëson sulmuesin rreth 20 milionë euro, shifër të cilën “Djalli” do ta ketë në dispozicion me shitjen e Kalinicit dhe të Carlos Baccas.

Milani vetëm një ditë më parë zyrtarizoi blerjen e kroatit Halilovic dhe pavarësisht pezullimit nga UEFA për një vit në kompeticionet europiane mbetet shumë aktiv në merkato.