Zaniolo flet pas lëndimit të pësuar: Është e vështirë, por kam filluar të numëroj ditët

14:56 | 12 Shtator 2020
Arbresh.info

Nicolo Zaniolo ka folur pas dëmtimit të pësuar.

Zaniolo, një nga lojtarët që shihet të ketë të ardhmen më të ndritur në futbollin italian, ka pësuar përsëri lëndim në ligamente.

Ylli italian ka dëmtuar ligamentet e gjurit në ndeshjen kundër Holandës. Ai së fundmi ka folur lidhur me këtë lëndim, duke bërë të ditur se është në dijeni për vështirësitë që do të ketë.

“Fillimisht, unë nuk kisha kohë të mendoja. Por, më vonë, unë thash me vete ‘Joooo, përsëri kjo”, ka thënë Zaniolo, transmeton lajmi.net.

“Unë tashmë e di se sa e vështirë është të përballesh me këtë, por unë dua të mendoj se do të jetë eksperiencë që më rafinon. Kam filluar të numëroj ditët”, shtoi italiani.

Anëtari i Romës pritet të mungojë së paku deri në muajin gusht.