Xavi beson se Real Madridi është ende favorit, pavarësisht fitores së mbrëmshme

09:28 | 3 Mars 2023
A. B.

Xavi Hernandez beson se Real Madridi është ende favorit, pavarësisht se Barcelona e fitoi ndeshjen e parë gjysmëfinale në Kupën e Mbretit.

Barça triumfoi me rezultatin 0:1 në “Santiago Bernabeu”, teksa ndeshja e kthimit do të zhvillohet më 5 prill, në “Camp Nou”.

“Nuk kemi mundur ta mbajmë topin. Ka qenë e vështirë për ne që të fitojmë duele për të pasur topin, por jemi mbrojtur shumë mirë. Ne kemi luftuar deri në fund dhe kjo është shumë pozitive”, tha fillimisht Xavi pas ndeshjes.

Trajneri spanjoll e cilësoi Real Madridin si favorit para ndeshjes, dhe pavarësisht fitores së skuadrës së tij.

“0-1 na jep një avantazh të caktuar, por ne do të duhet të konkurrojmë shumë mirë kundër një skuadre shumë të fortë të Real Madridit. Unë ende e shoh Madridin si një favorit”, deklaroi Xavi. /Ge/