Futbollisti i Kombëtares së Kosovës, Mërgim Vojvoda është deklaruar pas barazimit 0 – 0 ndaj Greqisë.

Mbrojtësi zhvilloi ndeshje të mirë, edhe pse “Dardanët” ishin të pafat para golit, shkruan portali arbresh.info.

Pas ndeshjes, Vojvoda tha se i befasuan të gjithë, derisa gjëja kryesore ishte t’ia dinin vlerën fanellës së Kosovës.

““Më duket se kemi bërë befasi për të gjithë. Befasuam edhe Greqinë me 3-5-2. Kjo solli rezultatin, por kishte edhe dëshirë të madhe. Siç kam thënë, do të japim maksimumin dhe kemi bërë 100%. Nuk ishte lehtë pasi gjysma e ekipit mungonte. Kryesorja ishte t’ia dinim vlerën fanellën e Kosovës. Këtë treguam në fushë dhe jam i lumtur”.

“E pamë se nuk i lamë shumë raste Greqisë. Ajo penallti nuk ishte penallti por nuk kishte VAR. Patëm dy raste, duhej të ishim më egoistë dhe të gjuanim. Ajo na dha forcë pasi na tregoi se edhe ne mund të shënojmë dhe në pjesën e dytë ishim më mirë”, u shpreh Vojvoda për Supersport.

Dy ndeshjet e radhës për Kosovën janë ndaj Sllovenisë dhe Moldavisë./arbresh.info.