Thiago Silva ka rigjallëruar flakën e debatit të vjetër duke mbështetur Lionel Messin si futbollistin më të vështirë për ta ndalur sesa Cristiano Ronaldo.

Të dy yjet, Messi dhe Ronaldo kanë luftuar për titullin e ‘lojtari më i mirë i botës’ për dekadën e fundit, duke ndarë dhjetë Topa të Artë, me nga pesë secili.

Duke gjykuar nga fillimi i vitit dhe forma e tyre aktuale dhe potenciali, Messi duket se ka më shumë gjasa të vazhdojë të kërkojë një rekord të gjashtë të Topit të Artë nga dyshja e njohur.

Mbrojtësi i Paris Saint-Germain, Silva beson se ka një ndryshim të vogël që ndan këta dy lojtarë, teksa nuk heziton të tregojë se Messi është më i vështirë për tu ndalur sesa Ronaldo.

“Është më e vështirë për t’u mbrojtur kundër Lionel Messit sesa Cristiano Ronaldo”, ka thënë fillimisht Silva për gazetën spanjolle Sport.

“Cristiano meriton të fitojë gjithçka që ka fituar në karrierën e tij. Ky vit është paksa më i vështirë për të, por ende nuk ka përfunduar. Ai ende mund të fitojë Topin e Artë tjetër”.

Ronaldo do të jetë i etur për të bindur Silvan se e ka gabim kur palët të takohen në 1/16-tën e Ligës së Kampionëve javën që vjen, por mbrojtës ishte këmbëngulës në bindjen e tij se Messi ka avantazh ndaj portugezit.

“Dallimi i vogël mes tyre është se Messi, me topin, një kundër një, ose madje kundër dy, është e vështirë për të ndalur”, përfundoi mbrojtësi brazilian. /Telegrafi/