Manchester United ka siguruar kualifikimin në Ligën e Kampionëve pas një performance të shkëlqyer ndaj Club Brugges në udhëtim që rezultoi me fitore prej 4-0.

United e startoi mirë takimin, teksa në formacion nuk mungoi belgu i lindur në Kosovë, Adnan Janzuaj.

Në minutën e 20-të ishte një pasim i Depay ai që rezultoi me një gol mjeshtëror nga Rooney për 1-0. Ky ishte rezultati i pjesës së parë, transmeton Telegrafi.

Në pjesën e dytë United e masakroi klubin belg. Rooney realizoi pas një pasim të Herreras dhe aksioni mirë të organizuar për 2-0, teksa hettrikun e kompletoi në minutën e 57-të pas asistit të Matas.

Rooney kështu iu kundërpëgjigj më së miri kritikëve se po kthehet në formën më të mirë për t’i ndihmuar klubit.

Nga ana tjetër Ander Herrera e fundosi krejt klubin Belg, duke realizuar për 4-0 në minutën e 63-të.

Se Chicharito ishte i pa fat, e tregoi minuta e 81-të kur ai huqi edhe një penalti.

United në Ligën e Kampionëve kualifikohet me rzultat të përgjithshëm prej 7-1 pas dy ndeshjeve ndaj klubit belg.