UEFA delegon gjyqtarë nga Kosova në dy ndeshje të raundit të dytë në UEFA Conference League

10:48 | 30 Korrik 2025
D.H

UEFA delegon Genc Nuzën dhe Mervan Bejtullahun si gjyqtarë kryesorë në ndeshjet e raundit të dytë në UEFA Conference League.

Nuzës i është besuar detyra për të ndarë drejtësinë në ndeshjen Žilina – Raków, e cila do të zhvillohet në stadiumin “MSK Žilina” në Zhilinë të Sllovakisë dhe do të asistohet nga Fatlum Berisha dhe Bujar Selimaj, ndërsa gjyqtar i katërt do të jetë Dardan Çaka.

Kjo ndeshje do të zhvillohet të enjten, më 31 korrik, nga ora 20:30.

Ndwrsa, Mervan Bejtullahu do të gjykojë ndeshjen Győri ETO – Pyunik, e cila do të zhvillohet në stadiumin “ETO Park” në Győr të Hungarisë.

Ai do të asistohet nga Edmond Zeqiri dhe Fatmir Sekiraqa, ndërsa gjyqtar i katërt do të jetë Rrezart Hasanaj.

Gjithashtu edhe kjo sfidë do të zhvillohet të enjte, më 31 korrik, me fillim në orën 19:00./Arbresh.info