Turku Dikec fiton të argjendtën, bëhet sensacion në internet

22:41 | 1 Gusht 2024
E.H

Gjuajtësi turk Yusuf Dikec nuk kishte nevojë për pajisjet speciale për ta fituar medaljen e argjendtë në stilin “gjuajtje me armë” në Lojërat Olimpike “Paris 2024”.

Me njërën dorë në xhepin e pantollonave, 51-vjeçari e fitoi medaljen e argjendtë duke shënuar një moment historik, e pastaj për t’u bërë sensacion në internet.

Shumica nga gjuajtësit veshin mbrojtës të mëdhenj në vesh dhe vizore mbi njërin sy për ta ndihmuar fokusimin, që në fakt e redukton edhe shkëlqimin e dritës.

Megjithatë, Dicek vendosi ta anashkalojë pajisjen e teknologjisë së lartë duke mbajtur vetëm disa tapa të vogla të verdha dhe një palë syze.

Pasi e fitoi të argjendtën, turku deklaroi shkurtimisht: “Unë gjuaj me të dy sytë, shumica e gjuajtësve e bëjnë vetëm me një”./rtk