Trepça ka shënuar fitoren e radhës në elitën e basketbollit kosovar duke mposhtur Rahovecin 029 me rezultat 86-77.

Mitrovicasit krijuan epërsi të thellë në periudhën e parë prej 16 pikëve, dhe gjatë tërë ndeshjes arritën të mos lejojnë kundërshtarin të kthehet në lojë, derisa në fund triumfuan me nëntë pikë dallim, shkruan Arbresh.info.

Më i dalluari në fitoren e kampionës në fuqi ishte Drilon Hajrizi me 24 pikë. Loëjë të mirë bëri edhe Vining i cili luajti me 14 pikë.

Kurse tek Rahoveci 029 u dallua Pullian me 19 pikë.

Trepça pas 20 ndeshjeve ka 17 fitore dhe prinë në tabelën e klasifikimit, kurse Rahoveci është i fundit me gjashtë fitore e 14 humbje.

Ndeshjen e radhës në kampionat mitrovicasit e luajnë në udhëtim tek Prishtina, kurse ‘vreshtarët’ e presin Yllin.

Para takimit me Prishtinën, ‘Xehetarët’ e luajnë finalen e Kupës së Kosovës ndaj Bashkimit të mërkurën./Arbresh.info