Ceremonia për ndarjen e çmimit për lojtarin më të mirë të vitit (Topi i Artë) po afron.

Gjithçka do të zhvillohet në Paris, me fillim nga ora 21:00, ku edhe do të mësohet fituesi i këtij çmimi.

Ylli i Barcelonës, Lionel Messi, i cili e ka fituar këtë trofe pesë herë në 10-të vitet e fundit, është në listën e top 5 lojtarëve.

Përkundër paraqitjeve të jashtëzakonshme, Messi nuk po konsiderohet si favorit për ta fituar këtë trofe, për shkak se ai nuk pati sukses me kombëtaren e tij, shkruan “Goal”, transmeton lajmi.net.

Ai ka shënuar plot 41 gola, më shumë se secili lojtar në top 5 ligat evropiane. Ai ka qenë i involvuar në 41 gola deri më tani në vitin 2018 duke shënuar 28 gola dhe 13 asistime, përsëri më shumë se secili lojtar i top 5 ligave të Evropës.

Ai është i dyti pas Cristiano Ronaldos në listën e top realizatorëve në Ligën e Kampionëve.

Me dy asistimet e tij në Kupën e Botës, Messi është lojtari i vetëm që ka asistuar në secilën prej katër kupave të fundit të botës.