Alexander Sorloth ka shënuar hattrick në ndeshjen e fundit në La Liga ndaj Gironës, në fitoren 0-4 të Atletico Madridit.

Ai u inkuadrua nga banka për t’i shënuar tre gola dhe mbyllur kampionatin me fitore, shkruan Arbresh.info.

Norvegjezi shënoi në minutat 68’, 90’ dhe 90’+3. Teksa në lojë u inkuadrua në minutën e 62-të. Madrilenët mbyllën këtë sezon në La Liga në pozitën e tretë me 76 pikë në tabelë.

Ndërkohë për Sorlothin ky ishte sezoni debutues me Atletin, pas atij transferimi në verë nga Villareali.

HAT. TRICK. pic.twitter.com/qXFTPkstvt

— Atlético de Madrid (@Atleti) May 25, 2025

29-vjeçari shkëlqeu në këtë edicion tek skuadra e Simeones me 20 gola dhe dy asistime në 35 ndeshje, ku në disa prej tyre është inkuadruar edhe nga banka rezervë.

Ai u rendit i katërti në listën e golashënuesve në La Liga, pas Mbappes, Lewandowskit dhe Budimirit./Arbresh.info