Tifozët kanë fajësuar yllin e skuadrës, Cristiano Ronaldo pas barazimit ndaj Sassuolo.

Sot “Zonja e Vjetër” barazoi me Sassuolon, gjë që bëri të humbasin kreun e tabelës, transmeton portali arbresh.info.

Pesë herë fituesi i Topit të Artë, shënoi golin e barazimit në minutën e 68-të nga penalltia, mirëpo fansat përsëri mbeten të zemëruar me portugezin.

Disa nga komentet e tifozëve ishin:

“Është i ngadaltë, nuk mund të driblojë askënd, shumë vetjak andaj nuk e pranon se nuk mundet të driblojë lojtarë të tjerë”

“Ronaldo me shumë mundësi është lojtari më i dobët në skuadër”

“Sarri duhet ta lërë Ronaldon në stol në ndeshjet e radhës dhe ta sjell në lojë si zëvendësim. Jemi të lodhur nga loja e tij e dobët çdo javë”

“Më kujtohet goli e tij në gjysmëfinale të Ligës së Kampionëve. Kishim menduar se është një ndër lojtarët më të mirë në botë, por në të vërtetë nuk është më i mirë se Shaqiri”, ishin disa komente nga fansat e “Zonjës së Vjetër”.

Juventus vazhdon të jetë klubi i vetëm në pesë ligat më të mëdha evropiane që ende nuk ka pësuar humbje këtë sezon.

Ndërsa në ndeshjen e radhës do të luajnë kundër Lazios, të cilët janë në formë të shkëlqyer./arbresh.info