The Guardian: Dy kosovarë, dy gola në një stadium ku serbë e rusë ishin bashkuar kundër tyre

00:40 | 23 Qershor 2018
Trina Galanxhi

“Nga të gjithë lojtarët, duhej të ishin ata. Papritmas, në minnutën e fundit, Xherdan Shaqiri po shkëputej, serbët po e ndiqnin por pa qenë në gjendje ta kapnin para se ai ta fuste topin nën këmbët e Vladimir Stojkovicit. Ishte një gol që e mposhti Serbinë dhe e vuri Zvicrën në një pozitë shumë të mirë për të kaluar në rundin tjetër, por njëkohësisht ishte shumë më shumë se një ndeshje”, kështu e nis raportin e ndeshjes Svicër – Serbi, e përditshmja britanike The Guardian.

Më pas gazeta prestigjioze britanike e përshkruan festimin e futbollistit kosovar, Xherdan Shaqirit, të shënuar në minutën e 90-të, me këto fjalë: “Teksa u kthye dhe bërtiti e hoqi fanellën, i shtrëngoi muskujt dhe interpretoi simbolin e shqiponjës dykrerëshe, që është rikrijim i flamurit shqiptar. Përkrah tij, Granit Xhaka e bëri të njëjtën gjë, për herë të dytë”, transmeton Gazeta Express.

Xhaka e shënoi golin e barazimin me një goditje të fuqishme nga 18 metra, ndërsa Shaqiri atë të fitores.

“Dy kosovarë, dy gola, në një stadium ku tifozët rusë dhe serbë ishin bashkuar, duke e përkrahur një ekip që Shaqiri dhe Xhaka nuk e shohin thjesht si kundërshtar. Shaqiri pati flamurin e Kosovës të ngjitur në këpucën e tij. Babai i Xhakës ishte burgosur dhe rrahur në ish-Jugosllavi për shkak se kishte bërë fushatë në favor të pavarësisë së Kosovës dhe vëllai i tij, Taulanti, luan për Shqipërinë. Së bashku me Valon Berhramin, ata u vërshëllyen nga një turmë që brohoriste ‘Serbia-Rusia!’ ‘Serbia-Rusia!’ Ndërsa një pankartë i shpalli dy vendet ‘vëllazërore’”, shkruan me tej Guradian.