Nantes ka shtruar një ankesë te FIFA kundër Cardiff Cityt rreth tarifë prej 15 milionë funta të Emiliano Salas.

Sulmuesi argjentinas u bë një përforcim rekord te Cardiffi me transferimin e tij më 19 janar, por lojtari vdiq kur avioni privat që po barte atë u përplas në Kanalet e Anglisë dy ditë më vonë, transmeton portali arbresh.info.

Nantes i shkroi Cardiffit në fillim të këtij muaji duke i kërkuar pagesën e parë të shumës prej 15 milionë funta, por klubi në Premierë Ligë tha se ata duan të presin deri të finalizohen hetimet e përplasjes së avionit.

Megjithatë, Cardiffi ka bërë të qartë se ata do të jenë “të ndershëm” rreth tarifës nëse ata janë të obliguar me kontratë për të paguar.

Javën e kaluar, dy klubet ranë dakord për të shtyrë afatin e pagesës së parë deri më 27 shkurt.

Dita e fundit e afatit është arritur dhe Nantes tani ka kërkuar nga FIFA që të përfshihet./arbresh.info/