Jose Mourinho njihet si një trajner karizmatik dhe që lëshon deklarata të forta në drejtim të kundërshtarëve.

Një të tillë e ka bërë edhe disa ditë para finales së Ligës së Kampionëve, shkruan Arbresh.info.

Finalja e këtij kompeticioni luhet të shtunën mes Interit dhe Parisit, ku Mourinho foli për SkySport, për preferencat e tij.

Interi ishte në rrugë të mirë për tripletë, mirëpo humbi kampionatin në xhirot e fundit si dhe u mposht në gjysmëfinale të Kupës së Italisë.

Mou me shaka tha se ishte e shqetësuar nëse ata do ta fitonin tripletën, mirëpo tani që s’kanë asnjë trofe ai bën tifo për Interin në këtë finale.

“Do të jem pak i keq, por shumë i sinqertë. Isha i shqetësuar se mos e fitonin tripletën, sepse nuk doja që ata ta fitonin – tripleta është e imja. Por tani që e humbën kampionatin dhe Kupën e Italisë, do të doja shumë që Interi ta fitonte Ligën e Kampionëve”, u shpreh portugezi.

Kujtojmë se ai e udhëhoqi, Interin përgjatë viteve 2008-2010, dhe në sezonin e tij të fundit e fitoi tripletën në vitin e tij të fundit.

Inter për herë të parë në histori e arriti atë sukses të jashtëzakonshëm duke fituar Serie A, Kupën e Italisë dhe Ligën e Kampionëve, nën drejtimin e Jose Mourinhos. Ajo ishte hera e parë dhe e fundit kur zikaltrit fituan këto tre kompeticione brenda një sezoni./Arbresh.info