Sot (e enjte) zhvillohen ndeshjet kthyese të vlefshme për fazën e 1/8-tën në Ligën e Evropës.

Mbrëmja e sotme është e rezervuar për ndeshjet kthyese të fazës së 1/8-të në garën e dytë më të madhe ekipore evropiane.

Ekipe të njohura si Manchester Unitedi, Milani, Roma, Arsenali, Tottenham Hotspur, Ajaxi dhe Villarreal kërkojnë një vend në çerekfinale.

Takimi më interesant padyshim se është ai në mes të dy rivalëve të vjetër evropian, Milanit dhe Unitedit.

Rossonerët janë nikoqir të Djajve të Kuq në ndeshjen e cila pritet të zhvillohet nga ora 21:00 në San Siro, me takimin e parë që është mbyllur me rezultat 1-1.

Arsenali pritet të ketë punë më të lehtë në Emirates ndaj Olympiacosit pasi ka fituar në udhëtim ndeshjen e parë me rezultat 3-1.

Roma synon të konfirmohet si e kualifikuar në udhëtimin e tyre të Shakhtar Donetsk, pasi me rezultat të pastër 3-0 ka fituar ndeshjen e parë.

Tottenhami udhëton me epërsi 2-0 te Dinamo Zagrebi, ndërsa Villarreali e pret Dynamo Kievin me epërsi të njëjtë sikurse Spurs, 2-0.

Ndeshje interesante pritet të jenë edhe ato në mes të Young Boys-Ajax, Rangers-Slavia Praga dhe Molde-Granada. /Telegrafi/