Si asnjëherë më parë, dy ‘garda nderi’ në “Anfield Road” para nisjes Liverpool – Crystal Palace

17:31 | 25 Maj 2025
D.H

Liverpooli dhe Crystal Palace po luajnë ndeshjen e fundit në kuadër të xhiros së 38-të në Premier League.

“The Reds” kanë siguruar titullin kampion disa javë më parë dhe është traditë që kampionit t’i bëhet një ‘gardë nderi’, para fillimit të takimit, shkruan Arbresh.info.

Crystal Palace e bëri atë duke treguar respekt për kundërshtarin.

Mirëpo ajo çfarë ra në sy është se të njëjtën gjë e bëri edhe Liverpooli për Crystal Palace, të cilët fituan FA Cup, dhe njëkohësisht trofeun e parë në histori të klubit javën e kaluar.

Kjo situatë ka shkaktuar bujë të madhe në rrjet, ku shumica e tifozëve kanë shkruar komente të mira në drejtim të dy klubeve.

Momentalisht është duke u luajtur minuta e 30-të në këtë sfidë dhe rezultat është 0-1 në të mirë të mysafirëve./Arbresh.info

Shpërndaje në rrjete sociale

Të ngjashme