Skuadra shqiptare nga Maqedonia e Veriut, Shkëndija e Tetovës ka arritur të shënoj fitore pas vazhdimeve në ndeshjen e kthimit ndaj The New Saints, në rrethin e parë kualifikues për Ligë të Kampionëve.

Me këtë fitore tetovarët arritën një kualifikim historik për rrethin e dytë kualifikues, shkruan Arbresh.info.

Rezultati i përgjithshëm nga dy ndeshjet ishte 2:1. Ndeshja e parë në Uells u mbyll 0-0.

Kampionia e Maqedonisë së Veriut e nisi takimin më mirë duke shënuar golin e epërsisë në minutën e 18-të, me Tamaban.

Mirëpo pas 20 minutash rezultati u barazua në 1-1.

Pjesa e dytë nuk prodhoi asnjë gol dhe ndeshja shkoi në vazhdime.

Katër minuta para fundit të vazhdimeve, lojtari mysafir Bodenham shënoi në portën e tij dhe i dha Shkëndijës avantazhin.

Deri në fund gola tjerë nuk pati dhe tetovarët u kualifikuan në fazën e dytë, ku do të përballen me FCSB.

Përveç Shkëndijës edhe skuadra tjetër shqiptare, Drita u kualifikua në rrethin e dytë të Ligës së Kampionëve./Arbresh.info