Xherdan Shaqiri i është rikthyer ish klubit të tij FC Basel.

Ylli zviceran me prejardhje kosovare u prezantua të hënën para mijërave tifozëve të skuadrës së Baselit, shkruan Arbresh.info.

“Përshëndetje shikues, përshëndetje Bazel”, ishin fjalët e para të Shaqirit. Ai më tutje shtoi se klubi i Baselit ishte opsioni i tij i vetëm. “Vetëm Baseli dhe asnjë tjetër”, vazhdoi Shaqiri.

“Pritja këtu ishte shumë e veçantë për mua. Mezi po pres të shoh të gjithë përsëri. Do të provoj të ndihmoj ekipin që nga dita e parë. Nuk jam më 20-vjeçar, por këmba ime e majtë është ende efektive. Kam mentalitetin e një fituesi. Ndeshja ime e fundit ishte ndaj Anglisë. Ende nuk jam në 100%, por do të provoj të ndihmoj ekipin sa më shumë që mundem”, tha Shaqiri.

Xherdan Shaqiri u rikthye tek ish klubi i tij pas një transferimi si lojtar i lirë nga Chicago Fire.

Shaqiri ishte pjesë e skuadrës zvicerane para 12 vitesh, ku pastaj u largua drejt Bayern Munichut. /Arbresh.info