“Santiago Bernabeu” vjen me risi, pas ndeshjeve do të largohet tapeti

07:07 | 30 Janar 2021

Stadiumi “Santiago Bernabeu” është duke marrë formë dhe në të po punohet intensivisht.

Klubi madrilen nuk ka dashur që të zbulojë shumë ndryshime nga ato që po kryhen në brendësi të impiantit, por ditën e djeshme, përmes një videoje, u zbulua një sekret.

Nuk është parë ndonjëherë që tapeti i stadiumit të largohet i ndarë në pjesë për t’u ruajtur në disa ambiente poshtë fushës dhe në kate të ulëta.

Diçka e tillë do të bëhet për të organizuar koncerte, për të vendosur pista akulli, fusha tenisi, basketbolli apo volejbolli në brendësi të këtij ambienti.

Diçka e tillë duket mahnitëse dhe “Bernabeu” i ri do të jetë më shumë si një qendër tregtare dhe jo vetëm si stadium.

Në klub mendojnë se do të jetë një mënyrë për të “sulmuar” krizën ekonomike.

Shpërndaje në rrjete sociale

Lajmet më të lexuara