Mohamed Salah ka vazhduar traditën e tij për të postuar fotografi me familje para një peme të Krishtlindjes.

Ashtu sikurse tash e disa vite, Salah këto foto i shpërndan nëpër rrjetet e tij sociale, shkruan Arbresh.info.

Kjo foto e futbollistit gjithnjë bëhet lajm duke ditur përkatësinë e tij fetare dhe për këtë arsye ai vërshohet nga komentet.

Edhe këtë vit për disa orë  mblodhi më shumë se 50,000 komente dhe mbi 500,000 pëlqime. Postimi i tij u shoqërua me një fjali.

“Urime Krishtlindjet”, ka shkruar, Salah.

Mirëpo, shumë persona e kanë sulmuar egjiptianin në komentet poshtë fotos, pasi Salah është i besimit islam, duke shkruar se ka bërë “haram”.

“Kush po të detyron ta bësh këtë?”, “Fshije këtë Mo!”, “Kjo duhet të jetë pjesë e kontratës së tij…”, “Për hir të Zotit, jo”, këto janë vetëm disa nga komentet e shumta negative.