Napoli arriti një fitore të madhe në udhëtim tek Lazio me rezultat 0-2, ku protagonist ishte edhe kapiteni dardan, Amir Rrahamni.

Mbrojtësi shqiptar, realizoi golin e dytë i cili i siguroi fitoren Napolit, shkruan Arbresh.info.

Ky ishte goli i tij i parë këtë sezon në Serie A, dhe i pari këtë vit të ri duke nisur në formën më të mirë të mundshme.

Pas ndeshjes, kapiteni i Kosovës deklaroi se është tepër i lumtur për golin si dhe fitoren.

“Jam i lumtur që e gjeta sërish rrugën drejtë rrjetës. Duhet të vazhdojmë. Kemi lojtarë me strukturë, që mund të jenë shumë të rrezikshëm”.

“Më kishte munguar ndjenja e golit, por është gjithnjë më e mirë kur fiton skuadra”.

“Është fitorja e katërt radhazi me rezultat 2-0. Jemi skuadër e mirë dhe shpresojmë të vazhdojmë kështu. Në futboll asgjë nuk është e pamundur”, deklaroi ai për “DAZN”.

Napoli pas kësaj fitore aktualisht është i dyti në tabelë me 37 pikë./Arbresh.info