Cristiano Ronaldo mund të mungoj në ‘El Clasico ndaj Barcelonës për shkak se ylli i Real Madridit ka fyer gjyqtarin.

Sipas një gazete spanjolle, portugezi ka ofenduar gjyqtarin pas një vendimi kundër Realit në derbin në Madrid ndaj Atleticos gjatë fundjavës, transmeton portali arbresh.info.

Gazeta katalunase ‘Sport’, e njohur për mbështetjen që ka ndaj Barcelonës, pretendon se Ronaldo mund të ndëshkohet ngjashëm si Lionel Messi, i cili u suspendua për katër ndeshje pas ofendimit të një gjyqtari në Argjentinë.

Po ashtu, tifozët e Real Madridit frikësohen që Ronaldo mund të mungoj në ndeshjen kryesore në La Liga më 23 prill për shkak se tani ai ka katër kartonë të verdhë, vetëm një larg nga suspendimi.

Pra, sulmuesi duhet gjithsesi të ketë kujdes që të mos ndëshkohet në ndeshjen e ardhshme ndaj Sporting Gijonit të shtunën ose përndryshe do të mungojë në ‘El Clasico’./arbresh.info