Manchester City thuhet se po konsideron një lëvizje tronditëse për sulmuesin e Juventusit, Cristiano Ronaldo, në kërkimin e tyre për zëvendësimin e Sergio Agueros të larguar.

‘Qytetarët’ janë të etur për të sjellë një sulmues të ri para se afati i transferimit të mbyllet brenda gjashtë javësh pasi i dhanë lamtumirën golashënuesit rekord të klubit, Agueros, i cili kaloi si lojtar i lirë te Barcelona.

Erling Braut Haaland dhe Harry Kane kanë qenë të lidhur fortë me Cityn, por drejtuesit e Cityt hezitojnë të paguajnë çmimet e kërkuara nga Borussia Dortmund dhe Tottenham Hotspur.

Sipas mediumit italian Calciomercato, kampionët e Ligës Premier tani po shikojnë një lëvizje për Ronaldon, i cili më parë ka kaluar gjashtë vjet me rivalët e hidhur, Manchester Unitedin.

Ronaldo ka kaluar tre sezonet e fundit me Juventusin, duke shënuar 101 gola në 133 paraqitje dhe duke dhuruar 22 asistime.

Reprezentuesi portugez është në vitin e fundit të kontratës së tij dhe Bianconerët besohet të jenë të hapur për oferta për superyllin e tyre.

United dhe Paris Saint-Germain gjithashtu thuhet se janë në garë për të nënshkruar me Ronaldon nëse ai me të vërtetë largohet nga Allianz Stadium këtë verë. /Telegrafi/