Llapi ka konfirmuar transferimin e ri të skuadrës.

Bëhet fjala për mbrojtësin, Robert Burcea, i cili ka në nënshkruar kontratë 1-vjeçare, shkruan Arbresh.info.

Skuadra nga Podujeva përmes një postimi në Facebook, ka njoftuar prurjen e re.

“Mbrojtësi i djathtë, 24 vjeç, Robert Burcea ka nënshkruar kontratë 1-vjeçare me mundësi të vazhdimit edhe për 1-vit tjetër. Burcea ka bindur drejtuesit e klubit për të nënshkruar me të dhe pas nënshkrimit të kontratës ka filluar stërvitjet me pjesën tjetër të ekipit”, ka shkruar Llapi.

24-vjeçari në kategoritë e reja ka qenë pjesë e Schalke 04, teksa ka mbrojtur ngjyrat e skuadrave si: Daesti, Zimbru Chisinau dhe së fundmi Ocna Mures.

Klubi ka përfunduar gjitha procedurat e regjistrimit të tij dhe Burcea ka të drejtë loje nga ndeshja e ardhshme me Prishtinën./Arbresh.info/