Prishtina luajti baras me rezultat 0-0 ndaj Fushë Kosovës në kuadër të xhiros së 26-të në Superligën e Kosovës në Futboll.

Pas ndeshjes skuadra nga kryeqyteti është ankuar në ndarjen e drejtësisë, shkruan Arbresh.info.

Sipas tyre, gjyqtarët kosovarë vetëm drejtësi nuk po ndajnë.

Reagimi ka ardhur në rrjetin social Facebook, ku FC Prishtina shkruan se në minutën e 89-të futbollisti vendas Kastrati hap krahun e luan me dorë, nuk sinjalizon gjyqtari kryesor Ilir Mehmeti, ndërsa, sërish “flenë” VAR-i me gjyqtarin Visar Kastrati”.

Teksa ky është reagimi i plotë:

Skuadra nisi tejet dobët ndeshjen, kësaj i parapriu lëndimi në nxemje i mbrojtësit Useini çka si qendërmbrojtës u deshtë të luante kapiteni Pefqeli, pastaj lëndimi i Mujës (23’) dhe në fund kartoni i kuq i portierit Nika (32’).

Skuadra ndryshoi karakter në pjesën e dytë, me një futbollist më pak luajti shumë më mirë se në pjesëlojën e parë dhe se kundërshtari me një futbollist më tepër, rrezikoi e krijoi më shumë, por veç fatit, aty janë edhe kujdestarët e përhershëm, gjyqtarët, që do të duhej të ndanin drejtësi e vetëm drejtësi nuk ndajnë. Në minutën e 89-të futbollisti vendas Kastrati hap krahun e luan me dorë, nuk sinjalizon gjyqtari kryesor Ilir Mehmeti, ndërsa, sërish “flenë” VAR-i me gjyqtarin Visar Kastrati.