Ivan Rakitic kërkon që finalja e Kupës së Mbretit ndërmjet Barcelonës dhe Sevillas të zhvillohet në një terren neutral gjatë muajit prill.

Barcelona siguroi kualifikimin në finale falë fitores me rezultat të përgjithshëm 3 me 0 ndaj Valencias, ndërsa Sevilla siguroi kalimin pas fitores ndaj Leganes ndërkohë që presidenti Jose Castro ka kërkuar që finalja të zhvillohet në stadiumin Ramon Sanchez Pizjuan, transmeton portali arbresh.info.

“Jam i lumtur që jam në gjendje të luaj në një tjetër finale”, ka thënë Rakitic për gazetarët.

“Jam në dijeni për atë që ka thënë presidenti i Sevillas dhe unë e ftoj atë në Barcelonë nëse dëshiron”

“Më pëlqen të vizitoj ish skuadrën dhe një qytet që e dua, por vizita në La Liga është e mjaftueshme. Mbi të gjitha, gjëja më e mirë do të ishte për të gjetur një vend neutral që i përshtatet të gjithëve”

/arbresh.info/