Sipas raporteve të ndryshme, agjenti i Gianluigi Donnarummas, Mino Raiola, është takuar me Juventusin para se të refuzonte vazhdimin e kontratës te Milani.

Këtë mbrëmje, drejtori ekzekutiv i “Rossonerëve” Marco Fassone njoftoi se Donnarumma ka vendosur për të mos nënshkruar marrëveshje të re, transmeton portali arbresh.info. Kontrata e tij aktuale është e vlefshme deri në qershor të vitit 2018, kështu që portieri mund të largohet si një agjent i lirë vitin tjetër ose të shitet këtë verë.

Bazuar në ‘Sportitalia‘, Raiola është takuar me drejtorët e Juventusit, Beppe Morattan dhe Fabio Paraticin në Milan vetëm disa orë para se të informonte “Rossonerët” rreth vendimit të Donnarummas.

Natyrisht, kjo ka ngjallur spekulime që mos vazhdimi i kontratës nga Donnarumma ka ndodhur për shkak se ai është duke u përgatitur për të zëvendësuar portierin legjendar Gianluigi Buffon në Juventus kur të pensionohet në vitin 2018.

Real Madridi dhe Paris Saint Germain raportohen gjithashtu si kandidatët e pakët që mund të përballojnë tarifën e 18-vjeçarit./arbresh.info