Federata e Bashketbollit të Kosovës ka prezantuar Logon e Qendrës Nacionale të Basketbollit.

Përshkrimi i logos:

Qendra Nacionale e Basketbollit është projekt i ri në kuadër të Federatës së Basketbollit të Kosovës që për qëllim ka zhvillimin e gjeneratave në basketboll për të kontribuar në shoqëri dhe për të krijuar kuadro të reja, si dhe për të forcuar edhe më tepër ekipin nacional të Kosovës në të ardhmen.

Logo e prezantuar ka për bazë disa elemente kryesore:

• Ikonën, e cila përdoret në eventet rinore apo e përshkruan rininë dhe zhvillimin
• Topin e basketbollit për të treguar fushën në të cilën zhvillohet ky projekt
• Kërcimin basketbollistik nga një djalë dhe vajzë dhe
• Natyrisht një element nga logo e federatës së flamurit, 6 yjet që tregojnë më së miri qëllimin e këtij projekti, barazinë dhe gjithëpërfshirjen.

Ngjyrës së kësaj logoje i është kushtuar kujdes i veçantë, diferencimi është bërë në ngjyrat e kaltër dhe vjollce të cilat paraqesin të dy gjinitë dhe ngjyra portokalli, e cila simbolizon ngjyrën e topit të basketbollit./Arbresh.info