Presidenti i La Ligës: E pa gjithë bota se ai i Messit ishte gol

09:29 | 28 Nëntor 2017
Arbresh.info

Presidenti i La Liga-s, Javier Tebas, shpreson në futjen e VAR-it nga sezoni i ardhshëm, që do të ndihmojë në shmangien e golave si ai i Lionel Messit ndaj Valencias.

Ndeshja ndërmjet Valencias dhe Barcelonës është komentuar jashtëzakonisht shumë, jo për shkak të lojës por për shkak golit të anuluar të Lionel Messit.

Presidenti Tebas beson dhe shpreson se VAR do të përdorten sezonin e ardhshëm në mënyrë që këso raste të mos përsëriten.

“Goli u pa nga e gjithë Spanja dhe bota, – tha ai. – Nëse them se nuk ishte gol, do të më thoni se isha i verbër. Ishte një gol dhe asgjë tjetër.

Ne shpresojmë që sezonin e ardhshëm, me VAR-in, mund t’i zgjidhim këto çështje. Pra, ne do të punojmë që sezonin e ardhshëm të kemi VAR”. /arbresh.info/