Tashmë edhe zyrtarisht edicioni 2024/25 i Premier Leagues është mbyllur pas përfundimti të të gjitha ndeshjeve të xhiros së 38-të.

Kampioni i Anglisë dihej tash e disa javë, ku Liverpooli siguroi titullin disa javë më herët pas një dominimi në elitën e futbollit, shkruan Arbresh.info.

Ndërsa lufta ishte e ashpër për vendet që dërgonin në Ligën e Kampionëve.

Në xhiron e fundit, Man City, Chelsea dhe Neëcastle siguruan edhe tri vendet e mbetura për Ligën e Kampionëve. Kujtojmë se në evenimentin më të madh të futbollit në nivel klubesh në Evropë nga Anglia luan edhe Arsenali që siguroi pozitën e dytë javën e kaluar.

Ani pse përfunduan sezonin në pozitën e 17-të në ligë, Tottenhami gjithashtu do të marrë pjesë në Ligën e Kampionëve për sezonin tjetër pasi fitoi Ligën e Evropës, ku mposhti Man United në finale.

Gjithashtu pas triumfit në FA Cup, Crystal Palace siguroi pjesëmarrjen në Ligën e Evropës për edicionin 2025/26.

Aston Villa e cila këtë edicion bëri një super kampanjë në Ligën e Kampionëve, edicionin tjetër do të luaj në Ligën e Evropës, pasi mbeti e gjashta në renditjen tabelare.

Kurse Nottinhgam Foresti i cili në shumicën e kohës ishte në vendin e tretë, e mbylli sezonin i shtati dhe do të luaj në Ligën e Konferencës.

Nga liga bien Leicesteri, Ipswich Town dhe Southamptoni. Kurse edicionin e ri nga Championshipi në Premier League u inkuadruan Burnley, Leeds dhe Sunderlandi./Arbresh.info

REZULTATET E XHIROS SË FUNDIT:

TABELA PËRFUNDIMTARE E SEZONIT 2024/25