Pasi shënoi hat-trick, Hazrollaj lojtari i javës në Superligës

10:41 | 22 Gusht 2023
Orgesa Haziri

Drilon Hazrollaj është zgjedhur “Ylli i Javës” në Superligë, pas paraqitjes kundër Fushë Kosovës.

Malisheva mposhti skuadrën e sapo promovuar me rezultat 6:1, shkruan Arbresh.info.

Tre nga këto gola erdhën nga Hazrollaj.

Pasi mori këtë çmim, ai u shpreh i lumtur që skuadra e tij e nisi mbarë edicionin e ri në elitën e futbollit në Kosovë.

“Çmimi ‘Ylli i javës’ është i pari për mua dhe sinqerisht jam shumë i lumtur. Kur shpërblehesh si më i miri i xhiros shtohet edhe motivi i punës. Falënderoj bashke lojtarët dhe shtabin teknik të cilët më ndihmuan që unë të kem një performancë të tillë dhe të fitoj këtë çmim. E kemi filluar kampionatin mbarë dhe uroj që të vazhdojmë këtë ecuri pozitive edhe në xhirot e ardhshme”, ka thënë Hazrollaj për faqen zyrtare të FFK-së./Arbresh.info/