Lautaro Martinez nuk do të jetë i gatshëm që të luajë në dy takimet që Argjentina zhvillon këto ditë, të vlefshme për kualifikueset e Botërorit 2026.

Kombëtarja “Albiceleste” përballet me Uruguain dhe Brazilin, teksa ka marrë një lajm të keq ku përveç Mesit, argjentinasve tashmë do u mungojë edhe sulmuesi i Interit.

Lajmin e ka bërë të ditur vetë federata e cila ka njoftuar se Lautaro Martinez ishte lënë i lirë pasi nuk mund të aktivizohej në këto ndeshje si pasojë e dëmtimit të pësuar në pulpën e këmbës së majtë.

Tashmë ai do të kthehet në Itali për t’u vënë nën kontrollin e mjekëve të Interit, të cilët shpresojnë ta kenë sa më shpejt në dispozicion, duke pasur parasysh edhe problemet e sulmuesit tjetër Marcus Thuram, i cili po ashtu u largua nga kombëtarja franceze.

Argjentina ka fituar vetëm një nga 4 ndeshjet e fundit në kualifikuese, por është ajo e cila komandon e qetë grupin e Amerikës së Jugut me 25 pikë pas 12 ndeshjesh, pesë pikë më shumë se Uruguai i vendit të dytë./Arbresh.info