Pacolli uron që skuadrat kosovare të kenë sukses edhe në garat Evropiane

22:08 | 23 Maj 2021
Arbresh.info

Kreu i Aleancës Kosova e Re, Behgjet Pacolli, nëpërmjet një postimi në rrjetin social “Facebook”, ka uruar skuadrat që arritën të marrin rezultatet më të mira në edicionin 2020/21 në futbollin e Kosovës, shkruan arbresh.info.

Pacolli ndër të tjera shkroi se futbolli na ka dhënë vazhdimisht emocione e na ka bërë krenar./arbresh.info/

Postimi i plotë:

“Sot kur përfundoi edicioni 2020/2021 i garave në futbollin e Kosovës, dua të përgezoj të gjithë, e në veçanti lojtarët e të gjitha klubeve për angazhimin e tyre në një vit të vështirë pandemie.
Urime të sinqerta për FC Prishtinën, KF Llapin dhe FC Dritën, për suksesin e arritur në këtë edicion dhe ju dëshiroj suksese ne garat Evropiane.
Sporti në përgjithësi dhe futbolli në veqanti, na kanë dhënë vazhdimisht emocione dhe na kanë bërë krenar.
Suksese dhe mbarësi të gjithëve!??⚽️”.