Shkodran Mustafi është një kundërshtar i fortë për ish yllin e Real Madridit, Mesut Ozil.

Reprezentuesi turk i Gjermanisë, i cili u transferua tek Arsenali në vitin 2013 nga ‘Los Blancos’, e ka vlerësuar mbrojtësin shqiptar si një kundërshtar të fuqishëm gjatë seancave stërvitore me “Topçinjtë”, shkruan portali arbersh.info.

“Gjithmonë një kundërshtar i fuqishëm në çdo seancë stërvitore”, shkruan Ozil duke shtuar flamurin e Turqisë, Gjermanisë dhe Shqipërisë tek postimi i tij në rrjetin social Twitter.

Skuadra nën udhëheqjen e trajnerit Arsene Wenger ka zhvilluar përgatitjet e fundit para ndeshjes si nikoqir në ‘Emirates’ të mërkurën ndaj West Hamit.

Mustafi ka shkëlqyer nga ndeshjen gjatë fundjavës me “Topçinjtë” kundër Manchester Cityt duke shënuar me kokë golin e barazimit. Madje, reprezentuesi shqiptar i Gjermanisë asistoi edhe në golin e realizuar nga Theo Walcott./arbresh.info