Arsenali është nikoqir i Manchester City për përballjen në kuadër të Ligës Premier.

Ndeshja që fillon në ora 20:30, do të luhet në stadiumin “Emirates”.

Për shumë njohës, kjo ndeshje mund të jetë përcaktuese për titull.

Arsenal ndodhet në vendin e parë aktualisht, me 1 ndeshje më pak se Manchester City, të cilën do ta luajë sot në orën 20:30 në Emirates Stadium.

“Topçinjtë” e Artetës ndodhen në krye të tabelës me 51 pikë dhe dy ndeshjet e fundit në Premier League nuk kanë rezultuar ashtu siç pritej për ta, pasi kanë marrë vetëm 1 pikë në dy sfidat.

Nga ana tjetër, Manchester City ndodhet në vendin e dytë me 48 pikë dhe në 5 ndeshjet e fundit, skuadra e Pep Guardiolës ka marrë 2 humbje dhe 3 fitore.

Mikel Arteta do të luaj ndaj ish-shefit të tij, Pep Guardiolës. Vitin e kaluar ishte përfolur shumë fitorja e Cityt ndaj Arsenalit në sekondat e fundit të ndeshjes në një sfidë ku gjyqtari kryesor kishte bërë disa gabime fatale që ndikuan edhe në rezultat.