Neymar ka pranuar se do të jetë e vështirë për të luajtur sërish futboll pas eliminimit tronditës të Brazilit nga Kampionati Botëror.

Djelmoshat e Sambas synonin të riktheheshin pas shkatërrimit në gjysmëfinalen e vitit 2014 kundër Gjermanisë për të shkëlqyer në Rusi, transmeton portali arbresh.info. Por, skuadra nën udhëheqjen e trajnerit Tite u eliminua në çerekfinale nga Belgjika në përmballjen e së premtes.

Kjo do të thotë që Neymar duhet të pres edhe katër vite para se të synoj çmimin më të madh në botën e futbollit. Megjithatë, ylli i Paris Saint Germain ka pretenduar se do të jetë shumë e vështirë për të që të rikthehet në fushë.

“Mund të them se ky është momenti më i keq në karrierën time, është e dhimbshme sepse ne e dinim se mund ta kishim fituar, ne e dinim se ishim në gjendje për të shkuar para, për të shkruar historinë, por kjo nuk ndodhi këtë herë”, ka shkruar Neymar në një postim në llogarinë e tij në Instagram.

“Është vështirë për të gjetur dëshirën që të luaj futboll sërish, por jam i sigurt që Zoti do më jap mua fuqi për tu përballur me çdo sfidë, për këtë unë nuk do të ndalem kurrë duke falënderuar Zotin, madje edhe në disfatë. E di që rrugëtimi juaj është më i mirë se i imi”

“Jam shumë i lumtur që jam pjesë e kësaj skuadre, jam krenar për të gjithë në këtë. Ëndrra ka përfunduar për tani, por do të mbetet ende e gjallë në kokat tona dhe në zemrat tona”

Neymar krijoi shtatë shanse në disfatën kundër Belgjikës duke u bërë lojtari dytë që e ka bërë një gjë të tillë në Kampionatin Botëror “Rusia 2018” pas Mesut Ozilit për Gjermaninë kundër Koresë Jugore./arbresh.info/