Neymar është sërish në Barcelonë.

Sulmuesi i Paris Saint Germain dhe ish lojtari i Barçës ishte javën e kaluar në qytet si pjesë e një protokolli mjekësor që duhet të ndjek patjetër në mënyrë për të trajtuar thyerjen e ashtit të pestë të këmbës së tij të djathtë, e cila do t’i ndaloj atij të jetë në fushë deri në fillim të muajit prill, transmeton portali arbresh.info.

Me paterica në duar, Neymar u ngjit në një veturë të zezë me qëllimin për të vizituar doktorin Ramon Cugat për të monitoruar se si është duke shkuar trajtimi i tij.

Trajneri i PSG, Thomas Tuchel ka pranuar së fundmi se Neymari i është përgjigjur mirë trajtimit.

“Nuk ka dhimbje më, gjërat janë duke shkuar qysh pasi ka shkuar në Spanjë”, ka thënë trajneri, i cili shtoi se futbollisti më i shtrenjtë në histori është duke “kthyer besimin në këmbën e tij”.

Ndërkohë, e ardhmja e Neymarit është ende duke u diskutuar, megjithëse superylli refuzoi të flas rreth këtyre komenteve në vizitën e tij të fundit në qytet kur është pyetur për rikthim te FC Barcelona.

Sidoqoftë, presidenti Jose Maria Boartomeu ka shuar pritshmëritë e tifozëve për një rikthim të mundshëm duke thënë se nuk ka folur me brazilianin dhe as me babain e tij qysh pasi vendosi t’i bashkohet PSG-së gjatë verës së vitit 2017./arbresh.info/