Një gjykatë në Spanjë ka urdhëruar yllin e Barcelonës, Neymar, për të vazhduar gjykimin rreth një mashtrimi në lidhje me fshehjen e të paktën 22 milionë funtave në tarifën e transferimit të tij.

Neymar mund të dënohet me burg nëse shpallet fajtor rreth akuzave se ai dhe familja e tij kanë ndihmuar në fshehjen e miliona të hollave, transmeton portali arbresh.info. Barcelona nënshkroi me Neymarin nga Santos në vitin 2013 për një marrëveshje që u raportua se vlen rreth 57.1 milionë euro.

Klubi në ‘Camp Nou’ ka deklaruar se 40 milionë euro nga tarifa i janë dhuruar familjes së tij, por autoritetet spanjolle kanë shikuar me kujdes marrëveshjen dhe besojnë që tarifa e plotë e transferimit mund të jetë në fakt 83 milionë euro.

Lexo më shumë: 5 shënjestrat kryesore të Barcelonës

Sipas një raporti nga ‘Sky‘, Neymar do të vazhdoj gjykimin së bashku me prindërit e tij, presidentin e Barcelonës – Josep Maria Bartomeu, ish presidentin e Barcelonës – Sandro Rosellin dhe Santosin.

Autoritetet besojnë që kompania braziliane e investimeve ‘DIS’, që mendohet se ka gënjyer rreth tarifës fillestare të transferimit, ka fituar 40 për qind të të drejtave sportive të Neymarit.

Raporti nga burimi i lartpërmendur shton gjithashtu se Neymar mund të dënohet me burg ose me një gjobë të madhe në shpallet fajtor./arbresh.info