Trajneri portugez, Jose Mourinho është kandidati i parë i Al Nassr për trajner të ri, pasi shkarkoi Rudi Garcian për shkak të një konflikti me lojtarët.

Gazeta spanjolle “AS” thekson se klubi për të cilin luan Cristiano Ronaldo i ka ofruar Mourinhos 100 milionë euro për dy sezone, që do ta bënte atë trajnerin më të paguar në botë.

Mourinho është aktualisht trajner i Romës dhe ka kontratë deri në vitin 2024.

Njëkohësisht në Romë po bën shumë mirë dhe është në vendin e tretë në Serinë A. Njëkohësisht luan edhe në çerekfinalen e Ligës së Evropës, shkruan lajminet.

Nëse e pranon ofertën nga Arabia Saudite, portugezi do të punojë sërish me Ronaldon, të cilin e ka trajnuar te Real Madridi nga viti 2010 deri në vitin 2013.

60-vjeçari më parë ka drejtuar edhe skuadra tjera evropiane si: Tottenham Hotspur, Chelsea, Manchester United, Inter e Porton.