Mourinho nuk i ndal akuzat për futbollin turk: Historia e disa ndeshjeve është e shkruar përpara kohe

21:49 | 13 Janar 2025
D.H

Fenerbahçe ka marrë sot fitore me rezultat 2-3 në udhëtim kundër Konyasporit.

Trajneri i Fenerit, Jose Mourinho, ka mbetur i kënaqur me nivelin e ndeshjes. Ai është shprehur për “BeIn Sports” e sheh si të rrallë në kampionatin turk që të luhen ndeshje të këtij niveli.

Mourinho nuk i ka kursyer edhe akuzat, teksa ka nënkuptuar se në Turqi ka ndeshje të trukuara.

“Ishte një ndeshje e mirë. Ka njerëz që janë të lumtur me rezultatin, ka njerëz që janë të mërzitur. Është e trishtueshme që ndeshje të mira si kjo nuk ndodhin gjithmonë në ligën turke. Kjo sepse historia e disa ndeshjeve është e shkruar përpara kohe”, ka deklaruar Jose Mourinho.

Aktualisht skuadra e tij është në pozitën e dytë me 42 pikë tetë më pak se lideri, Galatasaray./Arbresh.info