Bota e futbollit u shokua mëngjesin e ditës së enjte kur mori lajmin e kobshëm për vdekjen e futbollistit 28-vjeçar, Diogo Jota.

Ai vdiq së bashku me vëllaun e tij pas një aksidenti të rëndë në Spanjë, shkruan Arbresh.info.

Ditën e djeshme ata u varrosën në vendlindjen e tyre, ku morën pjesë shumë figura të njohura të botës së sportit.

Jose Mourinho ditën e sotme foli për vdekjen e futbollistit Jota, me shumë emocion, duke thurur lavde për të dhe karrierën e tij. Ai gjithashtu tregoi se kishin të njëjtin agjent me të.

“Kur njerëzit largohen nga kjo botë, normalisht të gjithë themi ‘ai ishte një djalë shumë i mirë’, por Diogo ishte me të vërtetë një djalë i mirë. Kishim të njëjtin agjent, unë di shumë për të.”

“Ai ishte një djalosh dhe asgjë nuk ishte e lehtë për të, i është dashur të luftojë shumë.

“Historia është e çmendur. Tre fëmijë pa baba, një grua e re pa burrin e saj, prindërit pa të dy djemtë. Është e çmendur. Është e vështirë për t’u kuptuar, ndoshta një ditë do ta kuptojmë, por jo tani”, u shpreh Mou.

Jota la prapa vetes gruan dhe tre fëmijët./Arbresh.info