Ministri i Sportit në Itali më në fund po jep sinjale pozitive për sportin.

Spadafora është në pritje të përgjigjes së menjëhershme për protokolin mjekësor, derisa Serie A po pret për rifillimin e saj.

Pandemia Covid-19 ka mbyllur të gjitha sportet që nga fillimi i marsit. Stërvitjet në disa vende kanë filluar në seanca individuale, por Spadafora do të thotë se gjithçka do të rikthehet në normalitet, hap pas hapi.

“Ne do të mësojmë menjëherë verdiktin e komitetit shkencor për protokolin mjekësor të FIGC. Ne gjithashtu jemi gati të propozojmë udhëzime komitetit, për seancat stërvitore përfshirë të gjitha skuadrat sportive, dhe udhëzime për hapjen e qendrave stërvitore, në mënyrë që të rifillojmë aktivitetet sportive”, ka shtuar ministri.

“Kështu, hap pas hapi, sporti do të kthehet. Do të jetë më i fortë se kurrë”, ka shtuar ndër të tjerash Spadafora.

Në Itali ka akoma disa skuadra të futbollit në të cilat po paraqiten raste pozitive me Covid-19, por stërvitjet individuale po vazhdojnë.