Pas dy barazimeve të njëpasnjëshme, Milani është rikthyer te fitorja në Serie A.

Rossonerët kanë arritur ta mposhtin Genoan me rezultat të pastër 2-0, falë nga një goli në dy pjesët.

Vendasit e nisën për mrekulli këtë sfidë, kur në minutën e 11-të kaluan në epërsi me golin e Rafael Leaos i cili u shërbye mirë nga Kalulu për 1-0.

Përkundër rasteve nga dyja skuadrat, gola më nuk pati në 45 minutat e para dhe Rossonerët shkuan me epërsi minimale në pushim prej 15 minutave.

Edhe pjesa e dytë i takoi Milanit që ishin më kërkues dhe krijuan më shumë raste shënimi.

Në minutën e 87-të, sulmuesi brazilian Junior Messsias realizoi nga afërsia golin e sigurisë për 2-0.

Deri në fund mysafirët tentuan të bënin diçka më shumë, por një gjëje të tillë nuk ia arritën.

Me këto tri pikë të fituara, Milani rikthehet në pozitën e parë me 71 pikë, dy më shumë se Interi që ka një ndeshje më pak të zhvilluar.

Ndeshjen e radhës Milani e luan në udhëtim te Lazio, derisa Genoa do ta ketë vendimtare pasi pret Cagliarin.