Mediat italiane raportojnë se trajneri i Milanit, Gennaro Gattuso mund të nënshkruajë një marrëveshje të re të përmirësuar me klubin Rossoner në mars.

40-vjeçari, i cili ishte më parë trajneri i Primavera U19 i Rossonerëve, zëvendësoi Vincenzo Montella përgjegjës për ekipin e parë në fund të nëntorit.

Megjithatë, kushtet e kontratës së tij mbetën pikërisht të njëjta si kur ai ishte duke punuar me ekipet rinore të klubit, duke e bërë atë trajnerin më pagën më të ulët në Serie A.

Kështu, mediat italiane raportojnë se drejtuesit e klubit kuqezi po mendojnë t’i përmirësojnë kontratën Gattusos.

Sipas mediumit italian La Repubblica, hierarkia e klubit nga San Siro tani është e gatshme t’i ofrojë Gattusos një marrëveshje të re të përmirësuar.

Ish-mesfushori pati një fillim të vështirë kur mori drejtimin e klubit Diavolo, por viti 2018 deri më tani ka parë një kthesë në fatin e klubit.

Gattuso ka kryesuar një skuadër të pabesueshme prej shtatë ndeshjeve pa humbje që nga fillimi i vitit të ri kalendarik.

Këtu përfshihet pesë fitore e një barazim në Serie A dhe fitorja e mbrëmshme (e enjte) 3-0 në Ligën e Evropës ndaj Ludogorets. /telegrafi/